收到Yan的來信,以下她最近的一個經歷:

事發係大約今年1月尾(因為我記得係 o係我考mock前的)
有一日放左學,我一個人搭巴士返屋企,路程大概十幾分鐘啦
一上到巴士我就行左上上層(這是我的習慣,就算坐幾分鐘巴士我都會上上層的)
上層冇乜人,幾本上個個都係一個人坐2個位(簡單d講冇人坐係我旁邊),但我前後都有人坐

坐底冇幾耐,我開始聽到d聲,初初係隱約聽到兩把聲係度傾計,
跟住我開始望吓前面個個人係咪用緊hand free傾電話,
點知前面個個係小學生,好靜咁坐係度,冇用hand free 亦冇傾緊電話
跟住即刻又望吓會唔會係後面個個傾緊電話,坐我後面原來係一個師拉,都係好靜咁坐係度,並沒傾電話

過左陣,我再唔係聽到兩個人傾計咁既聲,好似仲有d雜音,我懷疑過係咪身邊d人聽mp3 聽到勁大聲,
跟住我係咁四圍望,完全冇!!! 連聽緊mp3既人都冇
(我開始勁驚,真係超驚,因為個日咁岩冇朋友同我一齊返屋企,我又唔可以問吓旁邊d人聽唔聽到wor)

最後仲更加恐怖,我唔只聽到兩個人傾計,我覺得自己對耳仔好似去左另一個世界咁
一個我睇唔到,但聽到既世界
因為我之後聽到好多人好嘈既聲,係似去左間小學,一班人放緊小息,係操場好嘈咁樣!!!
我記得我個時真係好留心咁係聽到少少對話嫁…但由於距離宜家畢竟都有半年,我唔記得晒D對話喇
印象中都係一d 好普通既對談 (真係有種傾傾吓電話駁錯線既感覺)

我係度厄自己,車上d人聽野聽得大聲姐
點知最後我起身左落車,我依然keep住聽到,大聲細冇變,我聽到既個個”空間”亦都冇變到
但我已經由係巴士行左出一條行人路,開始厄唔到自己係巴士問題喇
真係好驚,我一路行返自己住個橦大廈,但都仲係聽到
跟住入埋lift都仲聽到(好彩放學時候lift有好多人,先冇咁驚)
到我出lift既時候都仲聽到,到距離我屋企大約五步既位置就完全正常返喇!!! 乜都聽唔到..完全靜返晒
本身我諗住衝返屋企搵媽咪求救嫁喇!!
我第一次試咁既情況     真係超驚   完全唔知咩事
(到宜家都唔知,因為呢個情況只出現左一次,所以應該唔關我耳仔事)
(完)

多謝分享